இனி குடிக்கவே கூடாது - உரையாடல் கவிதை போட்டிக்கு

மதுபானக் கடையின் குப்பைகளாக
சிதறிக் கிடக்கிறது உச்சரித்த வார்த்தைகள்
சொல்லிக் கேட்பவர்களின் எண்ணிக்கையும்
கேட்டுச் சொல்பவர்களின் நிதானமும் மட்டும்
பகடை காய் எண்களாக மாறி மாறி விழுகிறது
ஒரு குடிகார இரவில் எடுத்த சத்தியங்கள்
இன்று கண்முன்னே வேறொருவன் கையில் தவழ்கிறது
வாந்தியாய் வெளியேறுகிறது இராஜாங்கத்தின் வார்த்தைகள்
கழுவப்பட்டுக் காத்திருக்கிறது புதியவன் வருகைக்காக
கிளர்ச்சி தரும் வாசனையோடு

டிஸ்கி : இது உரையாடல் கவிதை போட்டிக்காக எழுதப்பட்டது.