எந்திரன் பற்றி பேச நமக்கு என்ன தகுதி இருக்கு

பிரகாஷ்ராஜ் இனிது இனிது படத்தின் பாடல்களை சென்னை,திருச்சி,மதுரை என்று எல்லா ஊர்களிலும் போய் வெளியிட்டார். அதோடு நிறுத்தி கொள்ளலாம். உடனே நான் தமிழர்கள் இருக்கும் இடத்தில் தான் என் பாடல்களை வெளியிடுவேன் என்று எதையோ நினைத்து இடத்து கொண்டார். ரஜினியை தான் சொல்லியிருப்பார் என்று சின்ன குழந்தைக்கே தெரியும். ரஜினிக்கும்,அவருக்கும் ஆகாது அதனால் தான் படையப்பாவில் ஒரு சின்ன காட்சியில் பிரகாஷ் ராஜ்,மன்சூர் அலிகான் இருவரும் சின்ன வேடத்தில் அவர் புகழ் பாடும்படி நடிக்க வைத்தார்கள். படம் இல்லாத சூழ்நிலை நடித்து கொடுத்தனர் இருவரும். இன்னும் நன்றாக கூர்ந்து கவனித்தால் அந்த ஒரு படத்தில் மட்டுமே இருவரும் நடித்திருப்பார்கள். தமிழர்கள் இடத்தில் ரீலிஸ் செய்வது சரி அந்த படத்தின் மூலம்,படத்தின் இசையமைப்பாளர் எல்லாம் தெலுங்கு தானே என்று கேள்வி வைக்கலாம்.ஆனாலும் பிரகாஷ்ராஜ் அளவிற்கு யோசிக்க முடியவில்லை.யோசித்திருந்தால் இரண்டு பெண் குழந்தை வைத்து கொண்டு தோழியோடு பாடல் ரீலிஸ் செய்வதில்லை என்று கேட்கலாம். அது பிரகாஷ்ராஜின் சொந்த விஷயம் என்றால் இது சன் பிக்சர்ஸ்,ரஜினி,ஷங்கர், ஏ.ஆர்,ரகுமான் அவர்களின் சொந்த விஷயம்.

சரி பிரகாஷ்ராஜ் சொன்னதை விட்டு தள்ளுவோம். பதிவுலகத்திற்கு வருவோம். எந்திரன் பற்றி என்ன  எழுதினாலும் கிடைக்கும் ஹிட்ஸ்,ஓட்டு,பரிந்துரை,மகுடம் இந்த அற்ப விஷயங்களுக்காகவே கண்டபடி எழுதும் போது கிடைக்கும் உலகளாவிய பெயர்,புகழுக்கு அவர்கள் எத்தனை கோடியில் படம் எடுத்தால் நமக்கென்ன.நாம் வழக்கம் போல டவுண்டோட் செய்து பார்த்து விட்டு அக்குவேறாக ஆணிவேறாக ஒரு மாதம் கழித்து தான் கழற்ற போகிறோம். இதனால் சிறு முதலில் தயாரிக்கப்பட்ட படங்கள் காலியாகி விடும் என்று சொன்னால் எப்படி சிரிப்பது என்றே தெரியவில்லை.எத்தனை பேர் களவாணி,திட்டக்குடி போன்ற சிறு முதல் போட்ட படங்களைப் பற்றி பேசியிருக்கிறோம். யானை இருக்கும் காட்டில் தான் எறும்பும் வாழ்கிறது என்று "நிறைய பேருக்கு" பிடித்த எழுத்தாளர் ஒரு படத்தில் வசனமாக வைத்தார். அது மாதிரி நீங்கள் யாரும் கவலை பட வேண்டாம்.எறும்பும் பிழைத்துக் கொள்ளும். இதிலும் சற்று யோசித்தால் தெரியும் உள்குத்தை நாம் கண்டுக்கொள்ளலாம்.நேற்று ஒரு ஆண் பதிவர் பெண் பதிவர் மீது வைத்த குற்றச்சாட்டின் மீது கவனம் இல்லாமல் போக எந்திரன் உதவி இருக்கிறான் என்றால் அதுதான் எந்திரன் மகிமை.

நம் ஹிட்ஸ்,பரிந்துரை,மகுடம்,இத்துப் போன ஆமாஞ்சாமி பின்னூட்டங்களுக்காக எந்திரன் இல்லை அடுத்து வரும் மூன்னூறு கோடி பட்ஜெட் ரஜினி படம் உதவும். ஆயிரம் பேர் பதிவுலகத்திலேயே இத்தனை அக்கப்போர் முடியும் என்றால் கோடியில் அவர்கள் அக்கப்போர் செய்தால் நமக்கென்ன. இதை படித்து விட்டு துப்ப வருபவர்கள் ஜீலை மாதம் நான் எழுதிய போலி பதிவுகளை எடுத்து படித்து மகிழலாம்.

இந்த பதிவை மகுடத்தில் எல்லாம் ஏற்ற வேண்டாம்.அது எனக்கு பிடிக்காது.நான் இப்படித்தான் சொல்வேன்.ஊருக்கு மட்டும் தான் ஊபதேசம்.நமக்கு என்றால் வாயை மூடிக் கொள்வேன்.