உன் நடை (அ) நடத்தை சரியில்லை

சடாரென வந்து விழுந்த வார்த்தைகள்
உன் நடை சரியில்லை
கொஞ்சம் சரிந்து நடந்தேன்
சரித்து நடந்தேன்
பூனை நடை தான் பாக்கி
ஊர்ந்து சென்றால் நடை தெரியுமா
முயற்சி செய்து முட்டிவலி மிச்சம்
விதம் விதமாக நடந்து காட்டினேன்
புரியாமல் கோமாளி என்றார்
புரிந்தபின் எழுத்து நடையை
சொன்னேன் என்றார்
நல்லவேளை நடத்தையைச் சொல்லவில்லை
நினைத்துக் கொண்டே
பழைய நடை போட்டேன்
அதுவும் சரிவராமல்
நொண்டியாகிப் போனேன்.