பேராண்மை,கமல்,குலால்,சாரு,ஆஸ்கர்

நான் இந்திய சினிமாவை பற்றி பேசும் போது அடிக்கடி உச்சரிக்கும் வாக்கியம்."நாம் முப்பது வருடங்கள் பின் தங்கி இருக்கிறோம் ஆங்கிலம் அல்லது கொரியன் ரஷ்யன் அல்லது வேறு எந்த மொழி(இந்திய மொழிகள் தவிர்த்து) சினிமாவுடம் ஓப்பிடும் போது அது கதையாக இருந்தாலும் சரி தொழில்நுட்பமாக இருந்தாலும் சரி) இன்று அந்த வார்த்தைகள் பொய்யாகி இருக்கிறது.அது முப்பது வருடம் அல்ல இன்னும் ஏழு வருடங்கள் அதிகம் என்று உணர்த்தியிருக்கிறார் ஜனநாதன்.காரணம் பேராண்மை படம் 1972லில் வெளி வந்த ஒரு ரஷ்ய படத்தின் தழுவல்(உருவல் என்று சொன்னால் மிகச் சரியாக பொருந்தும்).

இதே ஜனநாதன் சஞ்சய் லீலா பன்சாலி சாவாரியா(சாவுரியா இல்ல) படம் எடுத்தவுடன் இயற்கை படத்தை உருவி விட்டார் என்று தைய தக்கா என்று குதித்தார்.அது போல அந்த ரஷ்ய இயக்குனர் குதிக்க மாட்டார் என்பது நிச்சயம்.அவருக்கு இதையெல்லாம் பார்த்தால் தானே தெரியும்.நான் அடிக்கடி சொல்லும் இன்னொரு வாக்கியம் "பணம் சேர சேர மூளையும் குறுக்கு வழியிலே போகும் என்று.." அதுவும் உறுதியாகி இருக்கிறது.நாம் என்ன எடுத்தாலும் பார்ப்பார்கள் என்று யாரும் நினைத்து எந்த படைப்பையும் உருவாக்கி விட வேண்டாம்.அது நிச்சயம் பல்ப் வாங்கி பிரகாசமாக எரியும்.ஆனால் இயற்கை படமே ரஷ்ய(ரூஷ்ய) நாவலான வைட் நைட்ஸ் என்பதின் தழுவலே.(இந்த நாவலை பற்றி இன்னும் ஆழமாக விவாதிக்க என் உயிர் நண்பன் வெண்ணிற இரவுகள் என்ற பெயரில் பதிவு எழுதி வரும் கார்த்திக்கிடம் பேசலாம்)

இயற்கை படத்தை கூட நான் தழுவல் என்று ஓத்துக் கொள்வேன்.ஆனால் பேராண்மை(இதற்கு எனக்கு அர்த்தம் தெரியுமா என்று ஒரு அருமை நண்பர் கேட்கிறார்) படத்தை உருவல் என்று தான் சொல்ல முடியும்.அந்த ரஷ்ய படத்தில் வருவதைப் போல 5:16 என்ற ரேஷியோவில் எதிரிகளை அழிக்கிறார்கள்.(இந்த எண்ணிக்கையை கூடவா மாத்தக் கூடாது)

நான் இந்த சண்டையை ஒரு பதிவோடு நிறுத்தி விடலாம் என்று தான் நினைத்தேன்.ஆனால் நேற்று ஒருவர் வந்து பேராண்மை பதிவு என்று நினைத்து கொண்டு ஆதவன் பதிவில் "கமல் என்ன பெரிய ஆளா.." என்று பின்னூட்டம் போடுகிறார்.எனக்கு பதிலுக்கு பின்னூட்டம் போட முடியாத காரணத்தினால் இங்கே அதற்கு பதில் சொல்கிறேன்.ஆமாம் பெரிய ஆள் தான்.உன்னை போல் ஒருவன் படத்தில் திரைக்கதை என்பதில் கமல் பெயருடன் நீரஜ் பாண்டே என்று வரும்.என் தம்பி சிரித்து விட்டு சொன்னான் கமல் பெயர் எப்படி அதில் வரலாம் என்று.இதுவே மற்றவர்களாக இருந்தால் அவர்கள் பெயர் மட்டும் தான் வரும்.உதாரணம் வேண்டாம் என்று நினைக்கிறேன்.கமல் மிக பெரிய வெற்றி படத்தில் அந்த இயக்குனர் பாதியில் படத்தை விட்டு விட்டு சென்று விட்டார்.கமல் தான் பாதி படத்தை இயக்கினார்.இயக்கம் என்பதில் கமல் தன் பெயரை போடவில்லை.(இதற்கு உதாரணம் தருகிறேன்..மன்மதன் படத்தை உண்மையில் இயக்கியது யார்..).இந்த பேராண்மை சண்டைக்கு கமலை இழுக்க வேண்டாம்.

நான் தப்பாக எழுதி விட்டேன் என்று முதல் பாயிண்டை மட்டும் காப்பி செய்து ஆர்கூட்டில் பேஸ்ட் செய்து விவாதிக்கிறார்கள்.சரி அதுவும் தவறு இல்லை என்று விளக்கத்தோடு சொல்லி விட்டேன்.மத்த கேள்விகளுக்கு பதில் என்ன..நான் படமே பார்க்காமல் விமர்சனம் எழுதியிருக்கிறேன் என்று சொல்வது போல் உள்ளது.சாருவின் குலால் விமர்சனத்தில் ஒரு சின்ன தவறு இருக்கிறது.உடனே அவர் படம் பார்க்கவில்லை என்று சொன்னால் எப்படி இருக்குமோ அப்படி இருக்கிறது அந்த சாட்டிலைட் விவாதம்.இந்த கட்,காப்பி,பேஸ்ட் முறையால் நானும் ஒரு ரவுடியாக உருவாகி இருப்பதில் எனக்கு மகிழ்ச்சியே.

ஜன நாதன் நல்ல திறமையான இயக்குனர்.கதை கிடைக்காமல் படத்தை உருவுவதை விட்டு விட்டு நல்ல கதாசிரியர்களிடம் இருந்து கதையை வாங்கி படம் எடுக்கலாம்.கூட்டு முயற்சிக்கு ஒரு உதாரணம் குலால்.அந்த படத்தின் நாயகன் ராஜ் சிங்க் சௌத்ரி தான் திரைக்கதை.கே.கே.மேனனின் அண்ணனாக(மன நிலை பாதிக்கப்பட்ட) நடித்த பியூஸ் மிஸ்ரா தான் இசை.நாங்கு பாடல்கள் பாடியுள்ளார்.

இங்கு கதைகள் கொட்டி கிடக்கிறது.எடுக்க தான் ஆள் இல்லை.திறமையான பதிவர்கள்(நான் இல்லை) இருக்கிறார்கள் அவர்களிடம் கேட்டால் கதை என்ன இன்னும் நிறைய திறமைகளைக் காட்டுவார்கள்.இன்று பத்திரிக்கை வரை வந்து விட்ட பதிவர்கள் நாளை சினிமாவிலும் சாதிப்பார்கள்.

ஆஸ்கர் விருதை என்றாவது தட்டி விடுவோம் என்று கனவு காணுபவர்களுக்கு அமீர்கான் சொன்னதை ஒரு முறை நினைத்து பார்க்கவும். "அவர்கள் எடுத்த படத்தையே திரும்ப எடுத்து விருதிற்கு பரிந்துரை செய்தால் எப்படி விருது கிடைக்கும்.."

டிஸ்கி :

பொன்வண்ணனைக் கொன்று விட்டு எதிகளை அழிக்கும் போது இறந்து விட்டார் என்று அவர் மனைவியிடம் விருதை கொடுப்பது மாதிரி படம் எடுத்து இருந்தால் ஒருவேளை நான் இத்தனை கேள்விகள் கேட்டு இருக்க மாட்டேன் என்று நினைக்கிறேன்.ஜாதிபேதம் இல்லை என்று யார் கூறினாலும் இப்படி படம் எடுத்து இருக்கிறது என்று ஞாபகப்"படுத்துகிறார்கள்".வனத்தை காப்போம் என்று சொல்லிவிட்டு இந்த படம் எடுக்க காட்டையே அழித்து இருக்கிறார்கள்.

மதிமாறனின் பேராண்மை விமர்சனம் படிக்கவும்.

மக்கள் தொலைகாட்சியில் வெளியான அந்த ரஷ்யப் படத்தை பார்த்து இருந்தால் காசும் மிச்சம் சண்டையும் மிச்சம்.