குரூரப்பார்வை

வெகு சாதாரணமாக ஆரம்பித்த ஆட்டம்
சிப்பாய்களை காபந்து செய்ய முயன்று
போராட்டமாக மாறியது

எதிரியின் புரவியைப் புணர்ந்த
மந்திரியின் தலை வெட்டுப்பட்டதிலிருந்து
வெறியாக மாறியது

வெட்டப்படும் போதெல்லாம் தெறித்த ரத்தம்
சிகப்பும்,கருஞ்சிவப்புமாய்
சகதியாய் மாறியது

ராணியை இழந்திருந்த நேரத்தில்
இருபக்க இடைவெளியும்
விஸ்தாரமாய் மாறியது

மறுபடியும் சிப்பாயாட்டம்
ராணியாக மாறயிருந்தவ(ளை)னை
யானைகளால் கொலையாய் மாறியது

இன்னொரு ஆட்டம் கேட்டவன்
முகத்தில் தெரிந்த விகாரத்தை ரசிக்க
குரூரமாய் மாறியது

இன்னொரு குரூரத் தருணத்திற்காக
வழியெங்கும் வந்தவர்களின் பிம்பம்
சிப்பாய்களாய் மாறியது

வெட்டுண்ட காய்களும் பலகைகளும்
இன்னொரு யுத்ததிற்காக
சதுரங்கமாய் மாறியது