புலியைப் பார்த்து சூடு போட்ட பூனை

இந்த பதிவு ப்ளாக் மென் தென்றல்,டிவிட்டர் தென்றல்,பஸ் சூறாவளி,புயல்,லைலா,காத்ரீனா சாருவின் சிஷ்யக்கோடி,தமிழின் தவிர்க்க முடியாத எழுத்தாளராக மாறப் போகும் புலி கென்னுக்கும், சாந்தாணிக்கும் சமர்ப்பணம்.அதனாலே அடிக்கடி நான் பூனையாக மாறி சூடுப் போட்டு கொள்கிறேன்.

"என் மேல சத்தியமா எதிர்வினை எழுத மாட்டேன்னு சொல்லு.." இப்படி நச்சரிக்கிறா சாதாமணி. இவளை கொன்னுற வேண்டியது தான்.சத்தியம் பண்ணிட்டு எதிர்வினை எழுதிற வேண்டியது தான்.

"நீ பாப்பானா சொல்லவேயில்லைன்னு கேலி செய்யுறா சாதாமணி.நீ தானடி முதல்ல அப்படி சொல்ல ஆரம்பிச்சன்னு சொன்னா புரியாம முழிக்கிறா."காதலிக்கிறதுக்கு முன்னாடி என்னை உத்து உத்து பாப்பான்,பாப்பான்னு சொல்லலை நீ.."

சாதாமணி முத்தத்தின் விலை முப்பது ரிங்கட் கதை படித்து விட்டு காட்டுக்கத்தல் கத்தினாள்.நான் எல்லாத்துக்கும் பேரம் பேசுபவனாம்.பேரம் பேசி எத்தனை முத்தம் வாங்கினாய் என்று கோபத்தில் அவளிடமிருந்த என் சட்டையைக் கிழித்து விட்டாளாம். யாருக்கு நஷ்டம்.இனி குடுத்து குடுத்தே சட்டையில்லாமல் திரிகிறேன்.

"தண்ணியெல்லாம் அடிக்க ஆரம்பித்து விட்டாயா.." என்று போனிலே அழுகிறாள் சாதாமணி. அடிக்கவில்லை என்று சத்தியம் செய்தாலும் நம்பவில்லை.லேபிளில் புனைவு என்று போடவில்லையாம். அதற்கு தான் இந்த அக்கப்போரா.புனைவுக்கு வேறு பெயர் வைத்து கொஞ்ச நாளாகிறது என்று யாராவது அவளிடம் சொல்லுங்களேன்.ப்ளீஸ் சொல்லுங்களேன்.

"தொடை தெரிய தான் ஆடை அணிவார்களாமே பெண்கள்.." கேட்ட சாதாமணியிடம் தெரியாமல் ஆமாம் என்று சொல்லி விட்டேன்.பிறகு இப்படி சொன்னதும் தான் சமாதானம் ஆகி அவள் அனுப்பிய குறுஞ்செய்திகள் முழுவதும் முத்தத்தால் நிரம்பி வழிகிறது.பெரிதாக ஒன்றும் சொல்லவில்லை."இந்திய முத்தத்தை விட இங்குள்ள கவர்ச்சியில் பெரிதாக போதையில்லை.." என்று சொன்னேன்.இதேயே தான் இங்குள்ள பெண்ணிடமும் சொல்ல முடிவு செய்திருக்கிறேன்.வார்த்தைகளை மாற்றிப் போட்டு.

"உனக்கு ஏதோ பிரச்சனை இருக்கிறது.." எல்லோரையும் போல சாதாமணியும் சொல்லி விட்டாள். எனக்குள் அவள் தானிருக்கிறாள்.அந்த பிரச்சனையே நீதான் என்று சொல்லி இன்னொரு பிரச்சனையை இழுக்க நான் தயாரில்லை.